ಶಿಶು ಗೀತೆ : ಚಾಚಾ ಕೋಟು…

ಕಿಟ್ಟು ತುಂಟ ಬಹಳ ಜಾಣ
ನೆಹರು ಎಂದರವಗೆ ಪ್ರಾಣ/
ಚಾಚಾ ರಂತ ಕೋಟಿಗಾಗಿ
ಹಠವ ಮಾಡಿ ತಳೆದ ಮೌನ//

ಅಪ್ಪತೊಟ್ಟ ಕೋಟು ನೋಡಿ
ದಿಟ್ಟಿಸುತಲೆ ಆಸೆ ಪಡುವ/
ಊಟ ಬಿಟ್ಟು ತಟ್ಟೆ ಮುಂದೆ
ಸೊಟ್ಟ ಮೂತಿ ಮಾಡಿ ಅಳುವ//

ಕೆಂಪು,ಕಪ್ಪು,ಕಂದು ಬಣ್ಣ
ಸೆಳೆದು ಕೋಟು ಕಿಟ್ಟು ಕಣ್ಣ/
ನುಣುಪು ಕೋಟ ಜೇಬಿನಲ್ಲಿ
ಅರಳಿದುವ್ವ ಸೊಗಸೆ ಚೆನ್ನ//

ಕಿಟ್ಟು ಆಸೆ ಅರಿತ ಅಪ್ಪ
ಪುಟ್ಟದೊಂದು ಕೋಟು ತರಲು/
ಕಿಟ್ಟು ಹರುಷಕಿಲ್ಲ ಪಾರ..!
ಗೆಳೆಯರಿಗೆ ತೋರಿ ನಗಲು//

ಅಮ್ಮ ಮುದದಿ ಕೂಟು ತೊಡಿಸಿ
ಗುಮ್ಮನಾಟ ಆಡುತಿರಲು/
ಚಾಚಾ ನೆಹರ ಆಸೆಯಂತೆ
ಗುಲಾಬಿ ಜೇಬಿಗಿರಿಸಲು//

ಮಕ್ಕಳ ದಿನ ಸೂಟು,ಕೋಟು
ಟೋಪಿ ತಲೆಯಲಿಟ್ಟನು/
ನೆಹರುರವರ ತತ್ವಗಳನು
ದಿಟ್ಟತನದಿ ನುಡಿದನು//

ಚಾಚಾ ಎನುತ ಮಕ್ಕಳೆಲ್ಲ
ಕಿಟ್ಟು ಸುತ್ತ ನೆರೆದರು/
ಪುಟ್ಟ ಪುಟ್ಟ ಕೈಗಳಲ್ಲಿ
ಕೋಟು ಮುಟ್ಟಿ ನಲಿದರು.//

ಸೌಭಾಗ್ಯ ಮಹಾಂತೇಶ್ ಚಿಕ್ಕಮಗಳೂರು.