Sc atrocity cases : 13 ರಾಜ್ಯಗಳಲ್ಲಿ ಶೇ.97%ಕ್ಕೂ ಹೆಚ್ಚು ಎಸ್‌ಸಿ ಅಟ್ರಾಸಿಟಿ ಪ್ರಕರಣಗಳು ದಾಖಲು…

• ಶಿಕ್ಷೆಯಾದವರ ಸಂಖ್ಯೆ ಇಳಿಮುಖ..
• ವರದಿ ಬಿಡುಗಡೆ ಮಾಡಿದ ಕೇಂದ್ರ..

ದೇಶದಲ್ಲಿ ಪರಿಶಿಷ್ಟ ಜಾತಿಗಳ ಜನರ ಮೇಲೆ 2022 ರಲ್ಲಿ ನಡೆದ ದೌರ್ಜನ್ಯದ ಎಲ್ಲಾ ಪ್ರಕರಣಗಳಲ್ಲಿ ಶೇ. 97.7 ರಷ್ಟು ಪ್ರಕರಣಗಳು 13 ರಾಜ್ಯಗಳಲ್ಲಿಯೇ ನಡೆದಿವೆ.

ನ್ಯೂಡೆಲ್ಲಿ : ದೇಶದಲ್ಲಿ ಪರಿಶಿಷ್ಟ ಜಾತಿಗಳ ಜನರ ಮೇಲೆ 2022 ರಲ್ಲಿ ನಡೆದ ದೌರ್ಜನ್ಯದ ಎಲ್ಲಾ ಪ್ರಕರಣಗಳಲ್ಲಿ ಶೇ. 97.7 ರಷ್ಟು ಪ್ರಕರಣಗಳು 13 ರಾಜ್ಯಗಳಲ್ಲಿಯೇ ನಡೆದಿವೆ. ಇವುಗಳಲ್ಲಿ ಉತ್ತರಪ್ರದೇಶ ಅಗ್ರಸ್ಥಾನದಲ್ಲಿದೆ, ನಂತರದ ಸ್ಥಾನದಲ್ಲಿ ರಾಜಸ್ಥಾನ ಮತ್ತು ಮಧ್ಯಪ್ರದೇಶವಿದೆ ಎಂದು ಸರ್ಕಾರದ ವರದಿ ತಿಳಿಸಿದೆ. ಅದೇ ಸಮಯದಲ್ಲಿ, 2020 ಕ್ಕೆ ಹೋಲಿಸಿದರೆ, ಆ ವರ್ಷದ ಪ್ರಕರಣಗಳಲ್ಲಿ ಶಿಕ್ಷೆಗೊಳಗಾದವರ ಸಂಖ್ಯೆಯು ಶೇ. 39.2 ರಿಂದ ಶೇ.32.4 ಇಳಿದಿದೆ.

ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ (ದೌರ್ಜನ್ಯ ತಡೆ) ಕಾಯ್ದೆಯ ಪ್ರಕಾರ ದೇಶಾದ್ಯಂತ ಎಸ್‌ಸಿ ಗಳ ಮೇಲೆ 2022ರಲ್ಲಿ ನಡೆದ ದೌರ್ಜನ್ಯಗಳು 98.91 ರಷ್ಟು 13 ರಾಜ್ಯಗಳಲ್ಲಿ ದಾಖಲಾಗಿವೆ ಎಂದು ಸರ್ಕಾರದ ಇತ್ತೀಚಿನ ವರದಿಯ ತಿಳಿಸಿದೆ.

2022ರಲ್ಲಿ ಎಸ್‌ಸಿಗಳ ಮೇಲಿನ ಒಟ್ಟು 52,886 ದೌರ್ಜನ್ಯ ಪ್ರಕರಣಗಳಲ್ಲಿ 51,566 ಪ್ರಕರಣಗಳು ಈ 13 ರಾಜ್ಯಗಳಲ್ಲಿ ದಾಖಲಾಗಿವೆ. ಅವುಗಳಲ್ಲಿ, ಉತ್ತರಪ್ರದೇಶದಲ್ಲಿ 12,287 (ಶೇ. 23.78) ಪ್ರಕರಣಗಳು, ರಾಜಸ್ಥಾನದಲ್ಲಿ 8,651 (ಶೇ. 16.75), ಆಂದ್ರಪ್ರದೇಶದಲ್ಲಿ 7,732 (ಶೇ. 14.97), ಬಿಹಾರದಲ್ಲಿ 6,799 (ಶೇ. 13.16), ಒಡಿಶಾದಲ್ಲಿ 3,576 (ಶೇ. 6.93), ಮಹಾರಾಷ್ಟ್ರದಲ್ಲಿ ಶೇ.2,706 (ಶೇ.5.24) ) ಪ್ರಕರಣಗಳು ದಾಖಲಾಗಿದೆ.