ಮೋದಿಯ ಮೂರನೇ ಪ್ರಮಾಣ…

ಮೋದಿಯ ಮೂರನೇ ಪ್ರಮಾಣ

ಕಳೆದೆರಡು ಬಾರಿಯಂತೆ
ಈ ಬಾರಿಯೂ
ಪ್ರಧಾನ ಮಂತ್ರಿಗಳು

ದ್ವೇಷ ಮತ್ತು ಅನುರಾಗ ರಹಿತ
ಸರ್ಕಾರ ನಡೆಸುವುದಾಗಿ
ಪ್ರಮಾಣ ಸ್ವೀಕರಿಸುತ್ತಿದ್ದಂತೆ…

ಅರ್ಥವರಿತ ಬುಲ್ದೊಜರುಗಳು
ಹೂಂಕರಿಸಿ ಮೇಲೆದ್ದಿವೆ ..

ಇಂಗಿತವರಿತ ಗೋರಕ್ಷಕರು
ಚತ್ತಿಸ್ ಘಡದಲ್ಲಿ ಕಾರ್ಯನಿರತರಾದರು ..

ಹಳೆಯ ಪ್ರಮಾಣವನ್ನೇ ಕೇಳಿಸಿಕೊಂಡ ಗುಡಿಸಲುಗಳು ಕಂಗಲಾಗಿವೆ …

ರಾಗಬಲ್ಲ ‘ಅಂಟಿಲಿಯ’ಗಳು
ಆನಂದದಿಂದ ತಲೆದೂಗಿವೆ ..

ಸಂವಿಧಾನ ಆಚರಿಸಿದ್ದಕ್ಕೆ
ಸೆರೆಮನೆ ಸೇರಿರುವ
ಉಮರ್ ಖಲೀದರು

ಪ್ರಮಾಣದ ಬಡಿವಾರ ಕಂಡು
ಗಹಗಹಿಸಿ ನಗುತ್ತಿದ್ದಾರೆ

ಆತ್ಮವನ್ನು ಕೊಂದುಕೊಂಡ
ಅರಮನೆ ಸೇರಿಕೊಂಡ
ಶೆಹ್ಲಾ ರಶೀದಾಗಳು …

ಆನಂದದ ಕಣ್ಣೀರಲ್ಲಿ
ಮೋದಿಯ ಪಾಪ ತೊಳೆಯುತ್ತಿದ್ದಾರೆ……

ಮತ್ತೆ ಅಯೋಧ್ಯೆಯಲ್ಲಿ
ಕೈ ಕೊಟ್ಟ ರಾಮಲಲ್ಲನಿಗೆ ಗಾಬರಿ…

ಅಲ್ಲಿ ಪುರಿಯಲ್ಲಿ…
ಕೈಹಿಡಿದ ಜಗನ್ನಾತನಿಗೂ
ಆತಂಕ…

ಮೋದಿ ಭಾರತದ
ಮೂರನೇ ಅಧ್ಯಾಯ ಪ್ರಾರಂಭವಾಗಿದೆ…

• ಶಿವಸುಂದರ್

ಜನಪರ ಚಿಂತಕರು, ಲೇಖಕರು…